Gjashtëmbëdhjetë njerëz u vranë sot dhe rreth 40 të tjerë u plagosën në një shpërthim cisternë në Haiti, tha për AFP Fidel Nicolas, kreu i Mbrojtjes Civile në provincën Nipes.
Shpërthimi ka ndodhur, sipas dëshmitarëve okularë, teksa viktimat po përpiqeshin të mblidhnin karburant nga një cisternë që rridhte, e cila kishte ngecur pas një aksidenti trafiku në rajonin jugperëndimor të Miraguan.
Të plagosurit janë dërguar në spital.
Miraguan është një qytet port që ndodhet rreth 100 kilometra nga Port-au-Prince, kryeqyteti i këtij vendi të varfër të Karaibeve.
Kryeministri i përkohshëm Gary Connell thirri një takim urgjent pas tragjedisë, tha për AFP Emmanuel Pierre, kreu i Mbrojtjes Civile Kombëtare.
Të plagosurit rëndë do të transferohen në spitalet e tjera të zonës, shtoi zyrtari./vizionplus.tv