Arrestimi i Justin Timberlake, flet avokati i tij: Do të shprehet në momentin e duhur

Pas arrestimit të këngëtarit Justin Timberlake e vetmja deklaratë sa i përket versionit të tij është ajo e përfaqësuesit ligjor.

Avokati i tij tha se këngëtari është në pritje të një raporti të plotë nga autoritetet dhe do të flasë në një tjetër moment.

“Mezi pres që ta mbroj me forcë Timberlake kundër këtyre akuzave. Ai do të ketë shumë për të thënë në kohën e duhur. Në këtë moment ai është në pritje të raportit të plotë nga Autoritetet e Policisë”.

Këngëtari u arrestua të hënën mbrëma teksa ngiste në gjendje të dehur në Sag Harbor, Nju Jork. Ylli i popit u lirua pa kusht, me datën e ardhshme të gjyqit të caktuar për 26 korrik.