Çfarë e pret futbollistin? Gerard Pique dhe e dashura e re shihen në dyert e gjykatës

Gerard Piqué, 37 vjeç, u pa dorë për dore me të dashurën Clara Chia Marti, 24 vjeçe, ndërsa ish-futbollisti mbërrin në gjykatë në Barcelonë mes hetimeve për korrupsion në Superkupën Spanjolle.

Ish-futbollisti i FC Barcelona dhe Spanjës është aktualisht nën hetim zyrtar si pjesë e një hetimi për korrupsion të dyshuar në një marrëveshje për të çuar Superkupën e Spanjës në Arabinë Saudite.

Pique, ndërsa hyri në gjykatën lokale i veshur me një këmishë me mëngë të shkurtra dhe xhinse. Duke iu bashkuar futbollistit, Chia Marti, 24 vjeçe, dukej më se në formë me një këmishë të bardhë verore dhe pantallona të shkurtra.

Kontratat e federatës spanjolle të futbollit të nënshkruara që nga viti 2018 janë duke u hetuar. Ato janë me vlerë 40 milionë euro në vit (43 milionë dollarë) me marrëveshjen e ndërmjetësuar nga Kosmos, një kompani në pronësi të ish-mbrojtësit të Barcelonës dhe Spanjës, Pique.

Gjykata tha se ka “paligjshmëri të mundshme me implikime kriminale” në kontrata, të cilat përfshinin një klauzolë për të “garantuar pagesën e një komisioni prej katër milionë euro në vit për Kosmos”.

Si rezultat, gjykata tha se kishte përfshirë zyrtarisht Piqué në një grup njerëzish që tani janë nën hetim zyrtar mbi rastin e supozuar të korrupsionit që ka tronditur futbollin spanjoll.