Hëna e fundit e plotë e vitit 2023 do të shkëlqejë në qiell këtë javë, për të kënaqur gjithë të apasionuarit e qiellit në mbarë botën.
Hëna e plotë e dhjetorit, e njohur gjithashtu si “Hëna e Ftohtë” dhe “Hëna e natës së gjatë”, do të arrijë kulmin e ndriçimit të martën, sipas NASA-s.
Megjithatë, do të shfaqet e plotë për disa ditë, duke zgjatur deri të enjten në mëngjes, thotë NASA.
Hëna filloi të shfaqej e plotë në prag të Krishtlindjes dhe do të vazhdojë të shfaqet e ndritshme deri në mëngjesin e 28 dhjetorit.
Çfarë është një “Hënë e Ftohtë?”
Hëna e Ftohtë e ka marrë emrin e saj sepse dhjetori është muaji kur me të vërtetë fillon të ftohet.
“Hëna e natës së gjatë e ka marrë emrin e saj sepse hëna e plotë në dhjetor ndodh afër solsticit, i cili ka natën më të gjatë të vitit,” tha NASA.
Hëna e plotë e muajit të ardhshëm quhet “Hëna e Ujkut”, dhe do të arrijë kulmin më 25 janar 2024./vizionplus.tv