E mbështeti gjatë fushatës, Elon Musk do të jetë krah Trump për të pritur rezultatin e zgjedhjeve

CEO i SpaceX dhe Tesla, Elon Musk do të kalojë natën e zgjedhjeve me ish-presidentin Donald Trump në Florida, konfirmuan burime Fox News.

New York Times raportoi fillimisht lajmin, duke cituar dy persona të njohur me orarin e Musk, se Musk do të jetë në mesin e një grupi të vogël njerëzish që do të shikojnë rezultatet e zgjedhjeve me Trump.

Trump më vonë në mbrëmje do të presë një audiencë më të madhe në Qendrën e Konventave të Qarkut Palm Beach.

Ish-presidenti ka hedhur tashmë votën e tij të martën në Palm Beach, ku ndodhet rezidenca e tij në Mar-a-Lago.

Musk, pas atentatit të parë kundër Trump në korrik, shkroi në X: “Unë e mbështes plotësisht Presidentin Trump dhe shpresoj për shërimin e tij të shpejtë”.

Musk që atëherë ka bërë fushatë për Trump deri në ditën e zgjedhjeve. /vizionplus.tv