Kërcënoi avionët amerikanë, SHBA-të rrëzojnë raketën iraniane të rebelëve Houthi

Ushtria amerikane shkatërroi të premten një raketë sipërfaqe-ajër të rebelëve Houthi në Jemen, e cila përbënte një “kërcënim të menjëhershëm” për avionët amerikanë në rajon, njoftoi sot komanda e përbashkët e forcave të armatosura amerikane në krye të Lindjes së Mesme( CENTCOM).

Dje forcat amerikane “kryen një sulm vetëmbrojtjeje kundër një rakete iraniane sipërfaqe-ajër (…) që do të lëshohej nga territori i kontrolluar nga Houthi në Jemen ,” raportoi CENTCOM përmes platformës X (ish-Twitter).

Raketa përbënte një “kërcënim të menjëhershëm për avionët amerikanë në zonë “, shtoi ai, pa dhënë detaje. Gjithashtu dje, Houthi lëshuan një raketë balistike kundër anijeve (ASBM) që u ul në Detin e Kuq pa dëmtuar asnjë anije, sipas CENTCOM.

March 01 Red Sea Update

On March 1, at approximately 12:40 p.m. (Sanaa time), U.S. Central Command (CENTCOM) forces conducted a self-defense strike against one Iranian-backed Houthi surface-to-air missile that was prepared to launch from Houthi controlled areas of Yemen towards… pic.twitter.com/joaBaDhPtN

— U.S. Central Command (@CENTCOM) March 2, 2024

Grupet Houthi, të cilët kontrollojnë pothuajse të gjithë Jemenin verior, kanë nisur sulmet që nga 19 nëntori 2023 kundër anijeve tregtare në Detin e Kuq dhe Gjirin e Adenit, veçanërisht kundrejt anijeve që ata mendojnë se janë “të lidhura” me Izraelin, një shenjë kjo “solidariteti” me Palestinezët në Rripin e Gazës, në mes të luftës Izrael/Hamas.

Për të kundërshtuar sulmet e tyre, SHBA, aleati kryesor i Izraelit, formoi një koalicion shumëkombësh në dhjetor për të “mbrojtur” anijet në këtë zonë detare me rëndësi strategjike.

Që nga mesi i janarit, forcat e armatosura të SHBA-së dhe Britanisë kanë nisur një seri bombardimesh në Jemen kundër Houthi, të cilët nga ana e tyre tani i përshkruajnë anijet amerikane dhe britanike si “objektiva legjitime”.

Abdul Malik al-Houthi , lideri i lëvizjes Ansar Allah, e cila njihet më mirë me mbiemrin e familjes së liderëve të saj, njoftoi të enjten se “operacionet tona ushtarake do të vazhdojnë”, duke shtuar se “ne kemi surpriza për armiqtë tanë që nuk i presin”.