Ky është lideri i parë që takoi Trump pas fitores në zgjedhje

Presidenti argjentinas është lideri i parë që Donald Trump ka takuar pasi u rizgjodh në detyrë.

Presidenti i zgjedhur i SHBA-së u takua me udhëheqësin argjentinas në Mar-a-Lago të enjten në Samitin e Investitorëve të Konferencës Konservatore të Veprimit Politik.

Javier Miley është lideri i parë i huaj që takohet me Trump që nga fitorja e tij presidenciale më 5 nëntor.

Udhëheqësi argjentinas e uroi Trumpin dhe i tha se, siç doli, “forcat qiellore ishin në anën tonë”.

Duke folur në një gala, Miley tha gjithashtu se “erërat e lirisë po fryjnë shumë më të forta” pas fitores së Trump.

Në fjalimin e tij ai kritikoi sistemet e padrejta të taksave që shkaktojnë “rishpërndarjen e pasurisë me armë” dhe lavdëroi Elon Musk duke pretenduar se X po ndihmon “për të shpëtuar njerëzimin”.

Në fjalimin e tij të enjten, Trump tha se ishte i nderuar që mirëpriti Miley-n në Mar-a-Lago, duke e quajtur atë një “njeri MAGA”.

“Puna që keni bërë është e pabesueshme, bëjeni Argjentinën sërish të madhe”, tha ai. /vizionplus.tv