Macron dhe Zelensky nënshkruan një marrëveshje bashkëpunimi për sigurinë dhe mbrojtjen

Presidenti francez Emmanuel Macron dhe homologu i tij ukrainas Volodymyr Zelensky nënshkruan një marrëveshje dypalëshe bashkëpunimi për sigurinë dhe mbrojtjen në Paris të premten.

Si pjesë e marrëveshjes, Franca do t’i japë Ukrainës ndihmë ushtarake shtesë prej 3 miliardë eurosh.

Në deklaratat e tij për gazetarët, presidenti francez theksoi se vendi i tij do të vazhdojë të mbështesë Ukrainën për aq kohë sa të jetë e nevojshme.

Ai gjithashtu përmendi se Ukraina do të bëhet anëtare e Bashkimit Evropian dhe se shpreson të bëhet anëtare e NATO-s.

Presidenti francez ka qenë gjithashtu shumë kritik ndaj Rusisë, si për të ashtuquajturat sulme kibernetike, ashtu edhe për thashethemet se Rusia është gati të përdorë armë bërthamore në hapësirë.

“Për sa i përket çështjes së fundit, Rusia duhet të japë shpejt një shpjegim”, tha ai.

EN DIRECT | Conférence de presse du Président @EmmanuelMacron et du Président de l’Ukraine Volodymyr Zelensky. https://t.co/o37pZDwIJ5

— Élysée (@Elysee) February 16, 2024

Për më tepër, presidenti francez, duke iu referuar vdekjes së Alexei Navalny, foli për dobësinë dhe frikën e Kremlinit ndaj kujtdo që e kundërshton atë.

Ai gjithashtu kërkoi nga Rusia që të hedhë më shumë dritë mbi rrethanat e vdekjes.

Më në fund, presidenti francez konfirmoi se do të vizitojë Ukrainën para mesit të marsit.

Nga ana e tij, presidenti i Ukrainës shprehu mirënjohjen për Francën dhe përmendi se vendi i tij çdo ditë përballet me krime politike nga Rusia.

Lidhur me vdekjen e Navalny, Zelensky deklaroi se Putin është një diktator vrasës dhe gjakatar.

Nga marrëveshjet dypalëshe të sigurisë që nënshkroi me Francën dhe Gjermaninë, Zelensky tha se ato “do t’i jepnin një shtysë Shteteve të Bashkuara”, ku Dhoma e Përfaqësuesve po bllokon 60 miliardë dollarë ndihmë për vendin e tij./vizionplus.tv