Shpërthimi në Gramsh/Grupi hetimor bën ekspertizën e mjetit: Kemi të bëjmë me…

Zbardhen detaje të tjera nga ngjarja e Gramshit, ku një makinë ka shpërthyer dhe si pasojë dy vëllezër, që ndodheshin në mjet, janë plagosur.

Pas ekspertizës së mjetit, grupi hetimor ka arritur në përfundimin që kemi të bëjmë me një shpërthim me tritol, pra atentat ndaj dy vëllezërve Mine.

Një nga vëllezërit që ka qenë pasagjer në mjet, Erald Mine ka marrë dëmtime të shumta dhe është transportuar me helikopter drejt Traumës.

Vëllai tjetër, drejtuesi i mjetit ka marrë ndihmë mjekësore në spital dhe ndodhet jashtë rrezikut.

Njoftimi paraprak i Policisë së Elbasanit:

Rreth orës 17:20, në lagjen “Xhile Liçi”, Gramsh, automjeti tip “Ford Focus”, që drejtohej nga shtetasi A. M., gjatë kohës që automjeti ka qenë në lëvizje, në rrethana ende të pa qarta ka shpërthyer.

Si pasojë është dëmtuar shtetasi A. M. dhe pasagjeri shtetasi E. M. (vëllezër), të cilët janë transportuar për ndihmë mjekësore në spital.

Grupi hetimor nën drejtimin e Prokurorisë po kryen veprimet për sqarimin e rrethanave të ngjarjes dhe përcaktimin e shkakut të shpërthimit të automjetit.

Pas ekzaminimeve të mekanizmit të rrethanave që kanë ndikuar në shpërthim do të ketë një njoftim të plotë.