OBSH: Europianët të parët në botë për konsumin e alkoolit

Me një konsum mesatar vjetor prej 9.2 litrash alkool për frymë, evropianët janë konsumuesit më të mëdhenj në botë, sipas një njoftimi të sotëm të degës evropiane të Organizatës Botërore të Shëndetësisë (OBSH).

“Rajoni i Evropës vazhdon të mbajë rekordin e palakmueshëm për nivelet më të larta të konsumit të alkoolit dhe efektet e dëmshme të lidhura me të në nivel global”, tha Dr Goden Galea, zyrtari i OBSH-së për Evropë i cituar në njoftim, bazuar në të dhënat më të fundit të disponueshme nga 2019.

Në vendet e BE-së nuk ka pasur ndryshime të rëndësishme në nivelet e konsumit të alkoolit për më shumë se dhjetë vjet, vëren OBSH.

Banorët e Amerikës vijnë të dytët, sipas raportit të fundit të OBSH-së të publikuar në qershor për konsumin global të alkoolit, me një mesatare prej 7.5 litrash në vit.

Një në dhjetë të rritur (11%) në Evropë vuan nga një çrregullim i lidhur me alkoolin dhe pothuajse një në 20 është i varur nga alkooli (5.9%), nënvizon Aneksi i OBSH-së në Evropë, i cili bashkon 53 vende në Evropë dhe Azinë Qendrore.

Organizata u bën thirrje vendeve evropiane të rrisin taksat për pijet alkoolike, të zbatojnë kufizime globale në tregtinë e alkoolit dhe të zvogëlojnë disponueshmërinë e tij. /vizionplus.tv