Izraeli urdhëron evakuim nga Libani jugor

Ushtria izraelite u ka bërë thirrje banorëve të më shumë se 20 qyteteve në Libanin jugor që të largohen menjëherë nga shtëpitë e tyre.

Reuters shkruan se paralajmërimi vlen edhe për kryeqytetin e provincës Nabatieh.

Tel Avivi thotë se operacionet e tij në Liban kanë për qëllim lejimin e dhjetëra mijëra qytetarëve të tij të zhvendosur nga bombardimet e Hezbollahut gjatë luftës në Gaza të kthehen të sigurt në shtëpi.

Më shumë se 1.2 milionë libanezë janë zhvendosur nga sulmet izraelite, tha qeveria libaneze.

Ushtria libaneze njoftoi se këtë të enjte se dy ushtarë u vranë në sulmet izraelite në incidente të veçanta në Libanin jugor, njëri në një sulm ndaj një poste ushtarake dhe tjetri në një sulm ndaj një misioni të Kryqit të Kuq libanez.