Trump: Dëbojmë bandat e të huajve, operacioni “Aurora” do të rikthejë zbatimin e ligjit të vitit 1798

Kandidati i Partisë Republikane për zgjedhjet presidenciale të 5 nëntorit në SHBA, befasoi me premtimin e fundit që bëri gjatë një tubimi elektoral në Kolorado.

Donald Trump deklaroi  se do të përdorë një ligj të vitit 1798 për të dëbuar emigrantët pa dokumente që rezultojnë të përfshirë në botën e krimit.

“Po njoftoj sot se, me marrjen e detyrës, do të kemi një ‘Operacion Aurora’ në nivel federal për të përshpejtuar largimin e këtyre bandave të egra. Unë do t`i referohem sërish Aktit për shkelësit e huaj të 1798-tës. Mendoni pak për këtë, 1798. Sa kohë përpara, apo jo? Me të, do të shënjestrojmë dhe cmontojmë çdo rrjet kriminal emigrantësh që vepron në tokën amerikane”, tha Trump.

Ai paralajmeroi edhe ashpërsimin e ligjit për këto grupe.

“Unë po bëj thirrje për dënimin me vdekje për çdo emigrant që vret një qytetar amerikan ose një oficer të zbatimit të ligjit. Me votën tuaj, ne do të arrijmë fitore të plotë dhe totale mbi këta përbindësha sadist”, deklaroi Trump.

Ish-presidenti premtoi se 5 nëntori, do të jetë dita e çlirimit të Amerikës./vizionplus.tv