U kapën me drogë, 3 shqiptarë të arrestuar në Itali

Tre shqiptarë janë arrestuar nga policia italiane. Njëri prej tyre u kap në banesën e tij, ndërsa dy të tjerët të moshës 32-vjeçare, janë kapur në befasi brenda ambienteve ku mbanin lëndët narkotike.

Një 32-vjeçar ishte emër i njohur për policinë, pasi ishte me precedentë të mëparshëm kriminal, të lidhur me trafikun e drogës. Në momentin e ndërhyrjes, të dyshuarit po tentonin të “pastronin” shtëpinë e bashkëpunëtorit të arrestuar.

Sipas medieve të huaja, gjatë kontrollit personal, lokal dhe automjeteve, policia gjeti mbi 20 mijë euro cash, të fshehura në një çantë shpine, rreth 350 gram kokainë të pastër, e ndarë në tre blloqe dhe e fshehur brenda një makine të parkuar pranë shtëpisë.

Gjithashtu u sekuestrua automjeti, droga, paratë dhe materiale të tjera të vlerësuara për hetimin.

Të arrestuarit u transferuan në burgun e Trevisos. /vizionplus.tv