John Thune zgjidhet udhëheqës i shumicës në Senatin Amerikan

Senatori republikan John Thune u zgjodh të mërkurën për të shërbyer si udhëheqës i shumicës në Senat për dy vitet e ardhshme nën Presidentin e sapozgjedhur Donald Trump, duke zëvendësuar Mitch McConnell i cili do të largohet në janar, tha një burim për Reuters.

John Thune u zgjodh në votimin e dytë me 29 vota pro.

Gara për kreun e shumicës në Senat shkoi në balotazh pasi asnjë nga tre kandidatët nuk arriti të fitonte plotësisht në raundin e parë. Senatorët republikanë John Cornyn (Texas) dhe John Thune (Dakota e Jugut) kaluan në raundin e dytë, ndërsa senatori Rick Scott (Florida) mori më pak vota dhe u eliminua, sipas mediave amerikane. /vizionplus.tv