Indeksimi i pensioneve, Manjani: Ja sa qytetarë do të përfitojnë bonus në fundvit

Zëvendës ministrja e Financave dhe Ekonomisë, Olta Manjani thotë se 797 mijë qytetarë do të përfitojnë nga indeksimi i pensioneve në masën 8.6%.

Në një intervistë televizive, Manjani u shpreh se ky indeksim rrit bazën e pensionit për vitet e ardhshme.

Ndër të tjera, Manjai shtoi se në fundvit, pensionistët do të përfitojnë bonus në vlerën 5000 lekë.

“Ky vendim parashikon indeksin 8.6% të të gjitha kaetgorive të pensionistëve dhe bazohet në indeksin e çmimeve të konsumit, të matur nga INSTAT. Pensionistët kanë një shportë të caktuar, ushqimet, ilaçet, kjo bëhet duke iu referuar konsumit të pensionistëve. Ky inflacion është më i lartë se për popullsinë. Indeksimi i inflacionit ka një efekt mbartës, gjatë 2023 kemi mbështetur pensionistët edhe me paketa të tjera, indeksimi është një masë më e dedikuar pasi siguron një rritje të pensionit, rrit bazën e pensionit. Rritja e pensioneve me indeksimin e çmimeve të konsumit në 2024, do bëhet me një bazë më të lartë. 767 mijë qytetarë do të përfitojnë.

Bonusi i fundvitit është i parashikuar edhe në ligjin organik të buxhetit, do të jepet në dhjetor, do të jetë 5000 lekë”, theksoi ajo.