Psikologët po mbështeten në Game of Thrones për të kuptuar çrregullimin që mundon Brad Pitt

Episodi i fundit i Game of Thrones, i cili u transmetua në vitin 2019, la të zhgënjyer shumë nga shikuesit besnikë të cilët nuk humbën asnjë episod. Në përgjithësi, megjithatë, seriali la gjithashtu gjurmën e tij unike në televizion, duke shënuar një ndryshim në seritë siç i njohim sot, me skenat e tij të guximshme të dhunës dhe seksit, si dhe tjetwrsimin e personazheve. Këto të fundit janë përdorur vetëm kohët e fundit nga shkenca, për të hetuar tërësisht agnozinë e fytyrës ose verbërinë e fytyrës, një çrregullim neurologjik që ndikon në njohjen e fytyrës dhe prek afërsisht 1 në 50 njerëz. Por, Brad Pitt vuan nga i njëjti çrregullim, siç kishte treguar më parë.

Studiuesit zgjodhën t’u tregonin pjesëmarrësve pamjet nga “Game of Thrones” për shkak të popullaritet tw ndërkombëtar dhe numrit të personazheve jashtëzakonisht të krijuara mirë. Autorja kryesore e studimit dhe studentja e doktoraturës në Departamentin e Psikologjisë, Kira Noad, tha: “Ne zgjodhëm t’u shfaqim pjesëmarrësve pamjet nga ‘Game of Thrones’ sepse shfaqja ka mahnitur njerëzit në mbarë botën me personazhet e saj të fortë dhe personalitetet e tyre thellësisht të larmishme”.

“Shumë studime të mëparshme mbi mekanizmat e trurit pas njohjes së fytyrës janë bërë në kushte laboratorike me imazhe statike 2D të fytyrave. Qëllimi ynë ishte të krijonim një formë studimi që i ngjante më shumë jetës reale, duke përdorur video për të shfaqur skena komplekse me shumë njerëz,” shton ai.

Për të kryer studimin, studiuesit skanuan trurin e më shumë se 70 pjesëmarrësve, ndërsa ata shikonin pamjet nga seriali i njohur televiziv. Gjysma e pjesëmarrësve ishin njohur me protagonistët e famshëm dhe kompleks të shfaqjes dhe gjysma tjetër nuk e kishte parë kurrë shfaqjen.

Kur protagonistët u shfaqën në ekran, MRI-të treguan se te pjesëmarrësit neurotipikë që njiheshin me personazhet, aktiviteti i trurit u rrit në zona të trurit të shoqëruara me njohuri jo-vizuale për personazhet, si p.sh. kush janë ata dhe çfarë dimë për ta.

Është interesante se lidhjet midis trurit vizual dhe këtyre zonave jo-vizuale u rritën gjithashtu te njerëzit e njohur me ‘Game of Thrones’. Megjithatë, këto valë aktiviteti u reduktuan ndjeshëm në grupin e pjesëmarrësve neurotipikë që nuk e kishin parë kurrë serinë./vizionplus.tv