SHBA: Nuk ka dëshmi se Izraeli po kryen gjenocid në Gaza

Shtetet e Bashkuara nuk kanë prova se Izraeli po kryen gjenocid në Rripin e Gazës në luftën e tij kundër grupit palestinez Hamas, tha sot Sekretari i Mbrojtjes Lloyd Austin.

“Ne nuk kemi asnjë provë për këtë,” i tha Austin Komitetit të Shërbimeve të Armatosura, duke shtuar se “një zi buke masive në Rripin e Gazës ka të ngjarë të përshpejtojë dhunën dhe sigurisht të çojë në një konflikt të zgjatur”.

“Do të përshpejtojë dhunën dhe do të çojë në një konflikt afatgjatë,” i tha Austin Komitetit të Shërbimeve të Armatosura.

“Nuk ka pse të ndodhë. Ne do të vazhdojmë të bëjmë gjithçka që mundemi, dhe po bëjmë tashmë, për të inkurajuar izraelitët të ofrojnë ndihmë humanitare,” shtoi ai.

They continue to extol the benefits of the war with the Russians, using Ukrainians as cannon fodder.

“I would like to remind everyone that we do not give Ukraine money,” Pentagon Chief Lloyd Austin said.

“The military provides security assistance in the form of weapons and… pic.twitter.com/GMlcWBvS1A

— Victor vicktop55 (@vicktop55) April 9, 2024

Gjashtë muaj pas fillimit të operacionit ushtarak të Izraelit në Gaza, enklava e shkatërruar palestineze po përballet me urinë dhe sëmundjet dhe pothuajse të gjithë banorët janë tani të pastrehë. Agjencitë e ndihmave ankohen se Izraeli nuk po siguron akses në ushqim, ilaçe dhe gjëra të tjera thelbësore, ndërsa shefi i politikës së jashtme të BE-së Josep Borrell akuzoi qeverinë izraelite se përdor urinë si armë.

Sulmi i Hamasit në jug të Izraelit më 7 tetor vrau rreth 1200 njerëz, sipas shifrave izraelite. Ofensiva e mëvonshme ushtarake e Izraelit në Rripin e Gazës ka zhvendosur pothuajse të gjithë popullsinë e enklavës prej 2.3 milionë banorësh, duke nxitur akuza për gjenocid, të cilat Izraeli i mohon.

SHBA-ja është mbështetësi më i madh ushtarak i Izraelit, por i ka bërë presion qeverisë izraelite që të bëjë më shumë për të ndihmuar civilët në Gaza.