20 vite nga “Friends”, aktorja e serialit e kujton me mesazhin e veçantë

Pak ditë më parë u bënë 20 vjet nga finalja e madhe e serialit të njohur Friends . Aktorja Courteney Cox ka festuar përvjetorin me një postim në llogarinë e saj personale në Instagram.

Konkretisht, 59-vjeçarja ka postuar një video me skenën e fundit të serialit dhe në mbishkrim ka shkruar:

“Kanë kaluar 20 vjet nga episodi i fundit i Friends. Nuk e di si arritëm të luajmë me kaq shumë lot. Unë jam përgjithmonë mirënjohëse”.

Ky përvjetor vjen disa muaj pasi Matthew Perry vdiq nga një mbidozë me ketaminë, e cila mund të jetë arsyeja pse Friends nuk vendosën të organizojnë një ngjarje festive./vizionplus.tv