Aksident i rëndë në rrugën e Arbrit, makina bie në humnerë, lëndohen dy 22-vjeçarë

Një aksident i rëndë është regjistruar në orët e para të mëngjesit të kësaj të marte në rrugën e Arbrit.

Një automjet i cili po qarkullonte në rrugën e Arbrit ka përfunduar në humnerë. Ngjarja ka ndodhur në fshatin Shkallë të Xibrit.

Të plagosur rëndë kanë mbetur dy 22-vjeçarë nga Bulqiza, J.Gj dhe Sh.D të cilët ndodheshin në automjetin i cili lëvizte në drejtim të Tiranës.

Nuk dihet gjendja e të plagosurve ndërsa automjeti është bërë copash për shkak të rënies në humnerë.

Banorët ndjehen të rrezikuar në këtë aks rrugor për shkak se mungojnë hapsirat e sigurta për këmbësorët./vizionplus.tv