Aksidentohet në Itali minibusi me turistë shqiptarë, 16 persona të lënduar

Një minibus me turistë nga Shqipëria, është përfshirë në një aksident të rëndë rrugor, pasditen e sotme rreth orës 16:00. Ngjarja ka ndodhur në Catania, Itali.

Nuk dihen ende shkaqet e aksidentit por dyshohet se ka pasur një defekt me frenat, sipas medieve italiane.

Ekipet mjekësore, karabinierët dhe zjarrfikësit e Acireale dhe Riposto ndodhen në vendngjarje.

16 persona kanë mbetur të lënduar, por fatmirësisht asnjëri nuk është në gjendje të rëndë./vizionplus.tv