Alarm në Francë, një burrë kërcënon të hedhë veten në erë para konsullatës iraniane

Policia franceze rrethoi konsullatën iraniane në Paris, ku një burrë kërcënoi të hidhte veten në erë, raportoi radiostacioni Francez Europe 1 në X (ish-Twitter).

Paris : un homme retranché dans un bâtiment au niveau du consulat d’Iran menace de se faire exploser https://t.co/oBPsbdgujG

— Europe 1 (@Europe1) April 19, 2024

Rreth orës 11 të mëngjesit, një dëshmitar pa një burrë të dyshimtë duke hyrë në konsullatë.  Burri mbante një rrip eksplozivi dhe besohet se mbante një objekt të ngjashëm me granatë.

Sipas Europe 1, ka qenë ambasada që ka kontaktuar prefekturën e Parisit për të denoncuar praninë e personit dhe për të kërkuar ndërhyrjen e policisë. Burri besohet se është depërtuar në një dhomë brenda konsullatës në prani të ambasadorit.

I menjëhershëm ka qenë mobilizimi i BRI-së (Brigadës së Hetimit dhe Ndërhyrjes), i mobilizuar nga Prefekti i Policisë së Parisit.

Qarkullimi në linjën 6 të metrosë është pezulluar për arsye sigurie. /vizionplus.tv