Babai bën denoncimin në policinë e Lushnjës: Prej një jave nuk flas me djalin, jetonte në kufirin mes Gjermanisë dhe Zvicrës

Një baba në Lushnjë ka bërë denoncimin në polici, se prej një jave ai ka humbur kontaktet me djalin e tij.

Sipas babait, djali 24-vjeç jetonte mes kufirit Gjermani dhe Zvicër.

Pas marrjes së denoncimit, policia po bashkëpunon me partnerët, për gjetjen e 24-vjeçarit.

“Më datë 25.08.2024, në Komisariatin e Policisë Lushnjë është paraqitur shtetasi L. Ç., 50 vjeç, banues në Lushnjë, i cili kallëzon se prej një jave, ka humbur kontaktet me djalin e tij, shtetasin K. Ç., 24 vjeç, i cili prej 2 muajsh jetonte në një zonë kufitare midis Gjermanisë dhe Zvicrës. Po bashkëpunohet me partnerët, për gjetjen e 24-vjeçarit”, njofton policia.

Materialet procedurale i kaluan Prokurorisë, për veprime të mëtejshme./vizionplus.tv