Berisha në ceremoninë e vrasjes së 39 intelektualëve nga regjimi komunist: Fitorja e Trump duhet të na frymëzojë!

Tirana  festoon sot 80-vjetorin e Çlirimit nga pushtuesit nazi-fashistë. Kryetari i PD-së, Sali Berisha ka folur nga banesa e tij  duke përkujtuar vrasjes së 39 intelektualëve të kryeqytetit.

“Më 17 nëntor banda terroriste e Enver Hoxhës, e shndërruar totalisht në vegël të Beogradit, do të vendoste në Tiranë pushtetin e saj, pasi kishte shndërruar luftën e shqiptarëve për liri dhe dinjitet kombëtar, në një luftë vëllavrasëse antikombëtare”, tha ai.

Berisha u ndal dhe tek fitorja e Donald Trump në zgjedhjet e 5 nëntorit në SHBA. Ai shprehet se triumfi i Presidentit duhet të jetë një moment frymëzimi edhe për popullin opozitar në Shqipëri.

 “Fitorja e presidentit Donald Trump është një arritje për njerëzit e lirë, një mrekulli për njerëzit e lirë në mbarë botën. Kjo fitore duhet të frymëzojë çdo shqiptar, me guxim dhe përkushtim, të angazhohet në këtë betejë shpëtimtare, për Shqipërinë, për shqiptarët”, shtoi Berisha. /vizionplus.tv