Brenda festës së “Ferma VIP”/ Fermerët dhe të ftuarit special tregojnë momentet e veçanta, çfarë ndodhi me marrëdhënien e Buçkos dhe Baby G

Ferma VIP After Party u mbajt mbremjen e djeshme në ambientet e fermës me finalistët, stafin, të ftuar special si dhe  ish-fermerët.

Gazetarja e “Vizioni Pasdites”, Çiljeta Hajdini ka marrë intervistat e para të finalistëve, emocionet e të ftuarve dhe si e kanë parë ish-fermerët rrugëtimin e tyre në fermë apo dhe si e pritën fituesin e “Ferma VIP”, Dijonis Bibën.

Këngëtari Renis Gjoka u shpreh pozitivisht për rrugëtimin e tij në “Ferma VIP”.

“Normalisht që do doja të isha fituesi. Ja kam marrë të gjitha fermës. Të gjitha kanë qenë moment shumë të bukura”, tha Renis Gjoka.

Këngëtarja Çiljeta Xhilaga u shpreh se e kishte marrë malli për familjen si dhe 24 orët pas daljes, finalistja i kaloi me djemtë dhe Albanin, partnerin e saj.

“O zot mora ajër. Mezi pisja të ikja në shtëpi. Me Albanin, me kalamajtë  gjithë ditën. Kam fituar zemrat e publikut”, tha Çiljeta Xhilaga.

Ish-fermerja Xhesika Polo tregoi se e priste Dijonisin si fitues, edhe pse ishte mentorja e Renis Gjokës, kjo pasi këngëtarja e kishte parë pëlqimin e publikut ndaj Dijonisit.

“E prisja që të shpallej fitues Dijonisi, sepse ishte i preferuari i publikut, por nuk dija se si do zhvilloheshin sfidat. Më erdhi keq që nuk fitoi Renisi, por ka bërë një rrugëtim shumë të mirë. Ndihem shumë e lumtur që ka,m marrë pjesë. Albano, Ditea, Flori, Çiljeta , Renisi do jenë miqtë e mi pas ferme”, tha Xhesika.

Gledis Gegaj i njohur si Buçko foli rreth marrëdhënies së tij me Baby G ku u shpreh se vayhdon t’a ketë shoqe. Më parë Buçko ka shprehur pëlqim për këngëtaren.

“E kam shoqe siç e kam pasur brenda në fermë. Këtu kam kaluar shumë mirë me të gjithë”, deklaroi Buçko.

Ish-fermerja, Artemisa Kusi tregoi se nuk ka hatërmbetje me asnjë fermerë.

“Me thënë të drejtën gjërat që kanë ndodhur në fermë i kam lënë aty. Nuk kam hatër,mbetje me asnjë”, shtoi Artemisa

I ftuari, stilisti Niko Komani u shpreh se e priste Dijonisin si fitues të “Ferma VIP”, edhe pse do të dëshironte mikeshën e tij të ngushtë, Ditea Berishën.

“E prisja Dijonisin fitues. Rikthimi i tij ishte zgjedhje shumë e mirë. Isha midis Diteas dhe Florit”, tha Niko Komani.

Këngëtarja Rozana Radi, e cila hyri në fermë me misionin e hajmalisë, tregoi se dhe me aq pak ditë  e ka shijuar si eksperiencë.

“E kam shijuar shumë si eksperiencë. Është nga kompeticionet më të mira që kam marrë pjesë. Është një reality që do i vlente çdo artisti”, deklaroi Rozana Radi.

Finalja e madhe e “Ferma VIP” u mbajt në 12 qershor, ku fitues u shpall Dijonis Biba. /vizionplus.tv