Daku dhe Muja jashtë listës së Kombëtares, Sylvinho: Janë lojtarë që i kam në konsideratë

Një ditë pasi publikoi listën e kombëtares, trajneri Sylvinho iu përgjigj pyetjeve të gazetarëve edhe për mos grumbullimin e Dakut dhe Mujës apo Gjasulës.

“Kanë bërë një rrugëtim të rëndësishëm, janë lojtarë që i kam në konsideratë. Ajo dhimbje koke për zgjedhjen është gjëja më e mirë që mund t’i ndodhë një trajneri.

Dua ta kem këtë dhimbje koke. Janë pjesë e planeve, por sot nuk mund të marr 30-35 lojtarë, por duhet të shohim lojtarë si Manaj që vjen për herë të parë e Broja për të dytën. Nuk është i lehtë vëzhgimi.” tha Sylvinho. /vizionplus.tv