Dalin fotot, konfirmohet lidhja e Bradley Cooper dhe Gigi Hadid

Pas muajsh thashetheme se ata janë çift, Gigi Hadid dhe Bradley Cooper bënë një dalje publike që nuk lë më pikëpyetje për lidhjen e tyre.

Në fotot e siguruara ekskluzivisht nga “The Post”, supermodelja 28-vjeçare dhe regjisori dhe ylli 49-vjeçar i “Maestro” janë kapur për dore teksa ecin rrugëve të Londrës. Cooper u përpoq të fshihte fytyrën pas një palë syze dielli dhe një kapele të madhe, por ata që e panë aktorin e njohën menjëherë.

Gigi Hadid and Bradley Cooper hold hands in first PDA photos as romance heats up in London https://t.co/GGS02uLYud pic.twitter.com/D7O9ruIC94

— New York Post (@nypost) January 25, 2024

Raportet e para se ata janë bashkë dolën tetorin e kaluar. Kamera i ka kapur disa herë që atëherë, por asnjëherë nuk kanë qenë kaq të egër me njëri-tjetrin dhe as nuk e kanë konfirmuar romancën e tyre.

Në fillim të janarit, Gigi Hadid takoi Bradley Cooper dhe nënën e tij për një darkë natën vonë pas Golden Globes.

Aktori 49-vjeçar dhe nëna e tij, Gloria Campano, u fotografuan më pas duke mbërritur në Giorgio Baldi, një nga restorantet e preferuara të të famshmëve në Los Angeles, me një SUV të zi.

Pak orë pas mbërritjes së saj, modelja 28-vjeçare u largua nga restoranti veçmas nga Cooper dhe nëna e tij./vizionplus.tv