“Do vij për ndërhyrje tjetër”, Rama-mjekëve në QSUT: Nuk po i bëj dot derman

Kryeministri Edi Rama ishte sot në hapjen e spitalit ditor brenda Qendrës Spitalore Universitare “Nënë Tereza”.

Ai tha se do të shkonte sërish në QSUT si pacient, pasi ka për të kryer një ndërhyrje, për shkak të problemit me hernien inguinale.

“Unë mund të flas dhe si pacient dhe mund të vij prapë për një tjetër ndërhyrje. Kam një hernie inguinale që… i kam mësuar dhe emrin, se kësaj diskales nuk kërkoj mjekë sepse punoj me forcat e mia, me streç dhe vetëpërmbatje para ushqimit që mos të rëndoj kolonën e lodhur nga basketbolli. Inguinales nuk i bëj dot derman dhe me shumë kënaqësi do të vij”, tha Rama.

“Nëse na shpikni një vaksinë për virusin e mospërfilljes ndaj pacientëve në raste të caktuara do ishte shumë mirë, sepse unë që për shkak të punës e njoh sistemin nga brenda, me shumë se ndonjë që mund të vijë ose të ketë ardhur në spital, e di që pjesa dërrmuese e mjekëve janë super, edhe bënë shërbim.

Por mjaftojnë pak individë që janë të pa vaksinuar me normat e edukatës dhe etikës për të shkatërruar imazhin e të gjithëve dhe për të hedhur poshtë punën e të gjithëve që nuk ka koment. Ne e dimë shumë mirë si ka qenë dhe si po bëhet përditë.

Unë mund të flas dhe si pacient dhe mund të vij prapë për një tjetër ndërhyrje. Kam një hernie inguinale që… i kam mësuar dhe emrin, se kësaj diskales nuk kërkoj mjekë sepse punoj me forcat e mia, me streç dhe vetëpërmbatje para ushqimit që mos të rëndoj kolonën e lodhur nga basketbolli. Inguinales nuk i bëj dot derman dhe me shumë kënaqësi do të vij”, u shpreh kryeministri.

Në fund ai u bëri thirrje qytetarëve që të shkojnë në spitale publike, pasi kushtet janë shumë të mira.

“U them të gjithë atyre që ndodh të më shkruajnë mesazhe, u shkoni në spitalin publik, shkoni në spitalin qendror, sepse aty jeni jashtë shtetit. Ata që e besojnë thonë ‘ o është e paparë’. Ata që se besojnë thonë ;propagandë e Rilindjes;. Si piktor, duke lexuar fytyrat them se jeni në formë. Uroj mos të gaboj. Uroj shumë që këto buzëqeshje mos ia kurseni askujt që vjen këtu për shërbim. Një buzëqeshje e mjekut është më shumë sesa një recete. Një shpërfillje e mjekut, heq 50% të efektit të recetës. Apo jo?”, tha Rama. /vizionplus.tv