EMRAT/ Sherri në familje në Pogradec, kush është 80-vjeçari që plagosi të birin

Një ngjarje e rëndë ndodhi mbrëmjen e sotme në Pogradec, ku babai plagosi të birin pas një debati për motive ende të paqarta.

83-vjeçari Agim Shkullaku plagosi të birin Përparim Shkullaku, 47 vjeç.

Lexo edhe :

Related Posts

Burime bëjnë me dije se gjatë sherrit i biri ka ushtruar dhunë ndaj të atit dhe më pas ky i fundit ka marrë armën dhe e ka plagosur rëndë.

50-vjeçari është transportuar për në spitalin e Pogradecit, teksa në vendngjarje ndodhet policia.

Njoftimi i policisë:

Rreth orës 18:40, në fshatin Stropckë, Pogradec, ka ndodhur një konflikt familjar i çastit mes babait dhe djalit të tij.

Shtetasi P.Sh, 47 vjeç, në gjendje të dehur ka dhunuar babait e tij shtetasin A. Sh., 83 vjeç.

Më pas 83 vjeçari ka marrë armën e gjahut dhe ka plagosu djalin e tij shtetasin P. Sh, i cili është transportuar për në spital për ndihmë mjekësore.

Shërbimet e Komisariatit të Policisë Pogradec, kanë bërë shoqërimin e 83 vjeçarit në Komisariatin e Policisë për veprime të mëtejshme.

Gjithashtu shërbimet e Policisë kanë bllokuar e sekuestruar në cilësinë e provës materiale armën e gjahut me të cilën dyshohet se 83 vjeçari ka plagosur djalin e tij.

Grupi hetimor në drejtimin e Prokurorisë po punon për zbardhjen e plotë të rrethanave dhe dokumentimin ligjor të kësaj ngjarjeje.

/vizionplus