FOTO/ Zjarre edhe në Pogradec, flakët pranë varrezave të fshatit Guras

Pasditen e sotme janë shfaqur vatra zjarri në fshatin Guras në bashkinë e Pogradecit.

Burime pranë shërbimit zjarrfikës bëjnë të ditur se vatrat e zjarrit për shkak të erës dhe temperaturave të larta pasi kanë djegur një sipërfaqe të konsiderueshme me bimësi të ulët po përhapen me shpejtësi drejt zonës pyjore të Podgories dhe Qafë Plloçës.

Për izolimin e flakëve janë angazhuar mjete e punojës të shërbimit zjarrfikës të bashkisë së Pogradecit e shërbimit pyjor.

Zjarri ndodhet afër varrezave të fshatit Guras dhe po punohet për shuarjen e tij. /vizionplus.tv