Humb jetën aktori i njohur amerikan

Aktori David Soul, i njohur më së shumti për rolin e tij në serialin televiziv Starsky & Hutch, ka vdekur në moshën 80-vjeçare.

Gruaja e tij, Helen Snell tha se ai vdiq të enjten.

“Ai i dha botës shumë dhurata të jashtëzakonshme si aktor, këngëtar, tregimtar, artist krijues dhe mik i dashur”, tha ajo.

“Buzëqeshja, e qeshura dhe pasioni i tij për jetën do të mbahen mend nga shumë njerëz, jetët e të cilëve ai ka prekur”.

Aktori i lindur në SHBA ishte më i njohur për rolin e tij si detektivi Kenneth “Hutch” Hutchinson në serialin klasik për zgjidhjen e krimit Starsky & Hutch./vizionplus.tv