Klubi i Serie A zyrtarizon Alen Sherrin

Klubi i Kaljarit ka bërë zyrtar nënshkrimin me Alen Sherirn, duke dekretuar kalimin e tij nga radhët e Egnatias në klubin e Serisë A.

Nëpërmjet njoftimit zyrtare, kuqeblutë e Sardenjës bënë të ditur se kishin nënshkruar deri në vitin 2027 me futbollistin shqiptar, i cili do të nisë që sot punën me skuadrën e re për këtë aventurë shumë interesante në karrierën e tij.

“Cagliari Calcio ka kënaqësinë të njoftojë blerjen e të drejtës për paraqitjet sportive të futbollistit Alen Sherri i cili transferohet nga Egnatia në mënyrë të përhershme dhe ka nënshkruar kontratë me klubin kuqeblu deri më 30 qershor 2027.

I lindur në Shkodër, në Shqipëri, portieri i datëlindjes 1997 u rrit në ekipin e të rinjve të Vllaznisë, ku debutoi me ekipin e parë më 12 prill 2015 – në moshën 17-vjeçare – kundër Tiranës. Në verën e vitit 2020 u transferua te Laçi, ende në kampionatin më të lartë shqiptar, ku në dy sezone luajti 53 ndeshje ndërmjet kompeticioneve kombëtare dhe kualifikueseve për Kupat e Europës. Pas transferimit te Egnatia me të cilin fitoi si protagonist Kupën 22/23 dhe në sezonin e sapombaruar kampionatin dhe Kupën e Shqipërisë.

Pasi luajti me përfaqësuesen U21 të vendit të tij, ai bëri debutimin e tij në portë për Kombëtaren e të rriturve më 9 nëntor 2022.

Fizik imponues, 197 centimetra i gjatë, Sherri është një portier i mirë mes shtyllave, i guximshëm në ajër, i zoti edhe me këmbë, cilësi që di ta mbështesë në fazën e vendosjes.

Vendosmëria dhe një dëshirë e madhe për t’ia dalë: mirë se erdhe në Sardenjë, Alen!”, njofton skuadra italiane.