Kombëtarja pa mungesa. Rikuperohet dhe Jasir Asani, lojtari stërvitet me grupin

Jasir Asani qetëson kombëtaren shqiptare dhe është gati për duelin me Kroacinë. Shqiptari nga Shkupi trembi të gjithë tifozët kuqezi pasi u zëvendësua në duelin me Italinë në minutën e 68, për shkak të një dëmtimi në kavilje.

Megjithatë, pas një dite pushim për 28-vjeçarin, ai i është bashkuar skuadrës dhe është stërvitur së bashku me grupin në kuadër të takimit me Kroacinë. Nuk dihet nëse do të jetë titullar, por një gjë është e sigurt, ai është dispozicion të trajnerit Sylvinho dhe gati për të dhënë gjithçka ndaj skuadrës ballkanase.

Një ndeshje shumë e rëndësishme për Shqipërinë, pasi në rast të një tjetër disfate, kuqezinjtë do të shuanin thuajse të gjitha shpresat për të kaluar grupin e ferrit.

Takimi Shqipëri-Kroaci është në datën 19 qershor, në Hamburg, në orën 15:00.

/a.r