“Synonin të vrisnin 4 mijë njerëz njëkohësisht”, Hezbollah akuza Izraelit për shpërthimet në Liban: Kaloi vijën e kuqe

Kreu i Hezbollahut , Hassan Nasrallah, ka nisur fjalimin e tij të parë publik që nga shpërthimet vdekjeprurëse të martën dhe të mërkurën në të gjithë Libanin.

Në fjalimin e shumëpritur, ai akuzoi Izraelin se kaloi të gjitha vijat e kuqe dhe se sulmet në mjetet e komunikimit synonin të vrisnin 4 mijë njerëz njëkohësisht, duke i cliësuar ato një akt terrorist dhe një masakër.

“Sulmet me pager kishin për qëllim të vrisnin 4000 njerëz në një moment. Ky ishte qëllimi i armikut dhe kjo është shkalla e kriminalitetit. Si mund ta quajmë këtë lloj veprimi kriminal. A është një operacion i madh? A është gjenocid? A është masakër? Armiku izraelit kishte “kaluar të gjitha vijat e kuqe” dhe kishte shënjestruar shumë nga faqet në Liban në fillim të kësaj jave”, tha ai, raporton A2.

Sipas tij sulmet ishin një akt dhe një shpallje lufte kundër popullit të Libanit dhe sovranitetit të vendit, raporton A2.

Ai tha se shpërthimet ndodhën gjithashtu në farmaci, spitale, tregje, dyqane, shtëpi, makina dhe në rrugët ku ndodheshin shumë civilë.

Ministri i Shëndetësisë i Libanit, Firass Abiad thotë se numri i të vdekurve nga dy valë sulmesh në të gjithë vendin është rritur në 37, ndërsa 287 persona janë në gjendje kritike, shkruan A2.

Nasrallah u shprehu ngushëllimet e tij atyre që kanë rënë në frontin në Libanin jugor dhe ata që vdiqën si pasojë e sulmeve të ditëve të fundit dhe u uron shërim të shpejtë të plagosurve, shkruan më tej A2.

Ai gjithashtu falënderoi mjekët, zyrtarët dhe të gjithë ata që ndihmuan në trajtimin e viktimave të sulmeve, përfshirë njerëzit që dhuruan gjak.

“Një nga pikat e para të krizës së ditëve të fundit është solidariteti dhe uniteti i përjetuar në të gjithë vendin”, vijoi ai.

/a.r