“Krenaria e shqiptarëve anembanë botës”, Armand Duka pas fitores në Hungari: Gjermani po vijmë! 

Shqipëria ka fituar me rezultatin 3-1 përballë Azerbajxhanit, një ndeshje që shërbeu si provë para se kuqezinjtë të nisen për në Gjermani ku do të luajnë në finalet e kampionatit evropian.

Një Shqipëri e bukur, elegante dhe me klas.

Pas fitores së kuqezinjve ka reaguar presidenti i FSHF-së, Armand Duka.

Përmes një postimi në faqen zyrtare, Duka shkruan se tani nis pjesa më e bukur, ajo e Europianit.

STATUSI I DUKES:  

Shkojmë me moralin lart drejt #Euro2024  

Triumfojmë edhe në miqësoren e dytë ndaj Azerbajxhanit dhe tani është koha të mendojmë për duelet me të bukura, ato ndaj Italisë, Kroacisë dhe Spanjës.  

Është një histori tjetër në Europian dhe duhet të shkojmë ta shijojmë dhe të japim më të mirën, për të vazhduar të jemi krenaria e shqiptarëve anembanë botës.  

Tani nis pjesa më e bukur! Gjermani po vijmë!