Krimi që tronditi Memaliajn, ministri Balla mbledh strukturat e policisë në këtë zonë, çfarë u diskutua

Ministri i Brendshëm, Taulant Balla ka zhvilluar një takim me strukturat e policisë në Gjirokastër, Tepelenë e Memaliaj.

Burime për Vizion Plus konfirmuan se Ministri i Brendshëm është informuar nga Drejtori i DVP Gjirokastër, Ardian Cipa lidhur me problematikat dhe masat e marra për ruajtjen e rendit publik në këtë qark.

Pritet njoftim nga Ministria e Bredshme mbi ato çfarë u ka thënë apo kërkuar Ministri i Brendshëm strukturave të Policisë në Memaliaj një javë pas ngjarjes së rëndë në këtë qytet.

Memaliaj u trondit para pak ditësh nga atentati mafioz, që la pas tre të vrarë.

Shënjestër e atentatit ishte Shyqyri Kalemi, babai i Andrea Kalemit, i cili u ekzekutua.

Po ashtu, u vranë kamerieri 36-vjeçar, Gledio Muka dhe klienti 47-vjeçar, Marsel Çela, dy viktima të cilët nuk kishin lidhje me objektivin./vizionplus.tv