Mandati i Olta Xhaçkës rikthen në punë deputetët, sot mblidhet Këshilli i Legjislacionit për të shqyrtuar vendimin e Kushtetueses

Mandati i deputetes socialiste Olta Xhaçka rikthen deputetët në punë, jashtë sesionit parlamentar.

Sot, në orën 11:00 do të mblidhet Këeshilli i Legjislacionit, ku do të shqyrtohet vendimi i Gjykatës Kushtetuese për mandatin e deputetes Olta Xhaçka, pasi sipas gjykatës vendimi i saj i parë nuk është zbatuar nga Kuvendi.

Ka qenë kërkesa e opozitës ajo që çoi në caktimin e datës 27 si ditë për mbledhjen e Këshillit, ku do të shqyrtohet vendimi i Gjykatës Kushtetuese që e urdhëroi Kuvendin, t’i dërgojë kësaj gjykate mandatin e Olta Xhaçkës për të vendosur nëse është në konflikt interesi apo jo.