Mendoi se mbeti pa trashëgimi pas vdekjes së nënës, 59-vjeçari vret 4 anëtarë të familjes dhe më pas veten

Një burrë që besonte se ishte i përjashtuar nga testamenti i nënës së tij dhe nuk donte të largohej nga shtëpia e saj, ka qëlluar për vdekje katër anëtarë të familjes së tij përpara se të vriste veten, ka thënë policia në SHBA.

Joseph DeLucia Jr vrau tre vëllezërit e motrat e tij, Joanne Kearns, Frank DeLucia dhe Tina Hammond si dhe vajzën e zonjës Hammond, Victoria Hammond, në një takim familjar në shtëpinë e nënës së tij në Long Island të dielën.

DeLucia Jr, 59 vjeç, takoi të tjerët në pronën në Syosset, rreth 24 km në lindje të qytetit të Nju Jorkut, tha të hënën kapiteni i policisë së qarkut Nassau, Stephen Fitzpatrick.

Ngjarja ndodhi vetëm tre ditë pasi Theresa DeLucia, e cila vdiq javën e kaluar në moshën 95-vjeçare, ishte varrosur, tha ai.

Por në vend që të diskutonte shitjen e planifikuar të shtëpisë, ku DeLucia Jr kishte jetuar gjithë jetën, mekaniku i makinave qëlloi 12 plumba nga një armë gjahu, duke vrarë të tjerët.

Më pas ai doli në kopshtin e përparmë duke bërtitur për atë që sapo kishte bërë përpara se të kthente armën mbi veten e tij, tha kapiteni Fitzpatrick.

Dy motrat dhe vëllai i tij ishin të gjitha rreth të 60-tave, ndërsa mbesa e tij ishte 30 vjeç, tha policia. Të katër u gjetën në shtëpi, ndërsa DeLucia Jr u ​​gjet jashtë.

Anëtarët e familjes ishin përpjekur të bindin DeLucia Jr se ai do të sigurohej pas vdekjes së nënës së tij, por se ai do të duhej të largohej nga shtëpia e saj.