Përmbytje në Spanjë, saga e vuajtjeve vazhdon, banorët përgatiten për një tjetër stuhi

Saga e vuajtjeve për popullin spanjoll duket se nuk ka përfunduar ende.

Brenda pak orësh ata panë që pronat e tyre të zhdukeshin, duke u përballur me një mot të keq me përmasa të paprecedentë që mori jetën e mbi 200 njerëzve.

Me plagën nga përmbytjet vdekjeprurëse ende për t’u shëruar, një cikël i ri, por më i butë, i reshjeve pritet në Spanjë. Një mesazh tashmë është dërguar në zonën e Barcelonës duke paralajmëruar banorët për përmbytje të rënda. Në veçanti, paralajmërimi ka të bëjë me periferitë jugore të qytetit. Njerëzve u kërkohet të shmangin kanionet dhe kanalet.

Ministri i Transportit i Spanjës ka pezulluar trafikun e trenave në Katalonjën verilindore.

“Mos udhëtoni nëse nuk është absolutisht e nevojshme,” ishte paralajmërimi i dhënë për popullsinë e rajonit prej tetë milionë banorësh.

Në të njëjtën kohë, rreth 50 fluturime për t’u nisur nga aeroporti i përmbytur El Prat i Barcelonës u anuluan. Disa rrugë kryesore u mbyllën për shkak të përmbytjeve.

Pamjet në mediat sociale tregojnë shiun e dendur që mbulon rrugët me ujë./vizionplus.tv