Platforma X pezullon llogarinë e të vesë së Navalnyt, vëllai i opozitarit të vdekur në listën e të kërkuarve të Rusisë

Platforma X ka pezulluar llogarinë e të vesë së Alexei Navalny.

Është e paqartë pse rrjeti social, dikur Twitter, ka pezulluar llogarinë e Yulia Navalnaya.

Lexo edhe :

Related Posts

Më herët sot në llogarinë e saj X, zonja Navalnaya i kërkoi Kremlinit “të kthejë trupin e Alexeit dhe ta lërë atë të varroset me dinjitet”.

Mbrëmë ajo akuzoi Vladimir Putinin për vrasjen e burrit të saj dhe tha se provat do të jepeshin së shpejti.

Kremlini ka mohuar përfshirjen dhe tha se pretendimet se lideri rus ishte përgjegjës ishin të papranueshme.

Nga ana tjetër, vëllai i Alexei Navalny është vendosur në listën e të kërkuarve të Rusisë, sipas mediave shtetërore.

Një çështje e re penale është hapur kundër Oleg Navalny, duke e bërë atë një person të kërkuar në Rusi.

Në vitin 2021 ai u dënua me një vit me kusht për thyerjen e kufizimeve të COVID pasi u akuzua për thirrje që rusët të merrnin pjesë në një tubim për vëllain e tij.

Ai u dënua në mungesë në shkurt 2022 me një vit burg.

Nuk dihet vendndodhja e tij, raporton Sky News. Ai udhëtoi në Qipro në vitin 2021 dhe nuk u kthye në Rusi, sipas dokumenteve të gjykatës të cituara nga agjencitë e lajmeve./vizionplus.tv