Poetët bëhen bashkë në jug, aktiviteti me pjesëmarrës nga vende të ndryshme të botës

“Poezia ndërkombëtare udhëton në jug” ishte aktiviteti që bëri bashkë në Kolonjë poetë nga Rumania, Bullgaria, Spanja, Greqia, Maqedonia, Kosova e Shqipëria.

Fillimisht poetët u ndalën në qytetin e Përmetit, në Leskovik e duke përfunduar eventin e tyre në Ersekë.

Sipas tyre, të udhëtosh me poetë të ndryshëm, krijosh ura bashkëpunimi dhe te dëgjosh poezinë në gjuhë të ndryshme të jep frymëzim e emocione .

“Si poetë lirike shqiptare do të thoja që është një gjë e mrekullueshme, sepse ndjenjat e poezisë janë transmetuar në gjuhë tjetër, është e bukur e këtë e kam ndjerë sot”

“Vij nga Rumania, jam shumë e lumtur që mora pjesë në këtë udhëtim të poezisë. Nuk me kishte ndodhur ndonjëherë të dëgjoja poezi në kaq gjuhë të botës. Të jep emocione. Më e lumtur duhet të them se jam për shkak se kam njohur kolegë nga gjithë bota dhe kemi krijuar lidhje e ne te ardhmen mund të udhëtojmë tjetër kund “

“Duhet të kuptojmë që nuk është thjesht një udhëtim, është nje lidhje e fortë e poetëve nga bota. Shqipëria ishte shumë e bukur, jugu sidomos e kjo të jep frymëzim”

Kjo ishte hera e parë që mbi 30 poetë nga vende të ndryshme të botës organizonin netë poetike në 3 qytete të jugut, aktivitete të mbështetura edhe nga institucionet e pushtetit loKal./vizionplus.tv