Rozana Radi zbulon në “2984” misionin që ka në jetë: Zëri ynë duhet të dëgjohet

E ftuar në show-n e Albano Bogdos, “2984” në Vizion Plus, mbrëmjen e sotme ishte këngëtarja Rozana Radi. Për Albano Bogdon, ajo ka zbuluar misionin që ka në jetë. Radi tha se jetojmë në kohën kur zëri ynë dëgjohet dhe prandaj nuk duhet të heshtim. Pikërisht kjo, ngritja e kauzave të caktuara është edhe misioni që këngëtarja dhe shkrimtarja ka në jetë.

Albano Bogdo: Rozana cili është qëllimi yt në jetë, ke një qëllim të qartë?

Rozana Radi: Unë kam disa profesione në jetë. Sigurisht që ngrihem me një qëllim në mëngjes, për të përfunduar gjëra të mira, për të mbaruar punët e mia, për të ndenjur me familjarët e mi, me njerëzit që dua dhe ne vijmë të gjithë me një mision në këtë jetë. Misioni im është që të shpërndaj fjalën…unë përgjithësisht shkruaj edhe shpesh herë flas për kauza të caktuara dhe i kam bërë motiv në këngët e mia dhe jo vetëm në këngët e mia. Ky është misioni im në jetën time. Fjala…tani që zëri ynë dëgjohet nuk kemi ndërmend që të heshtim dhe sigurisht të ngrej kauza të caktuara./vizionplus.tv