Sekuestrohet kanabis në Tiranë, arrestohet 32-vjeçari amerikan, policia i gjen edhe kërpudha “magjike”

Antidroga e Tiranës ka arrestuar një shtetas amerikan 32-vjeçar, i cili akuzohet për prodhim dhe shitje të lëndëve narkotike.

Në kuadër të operacionit të koduar “Shrooms” u vu në pranga shtetasi amerikan A. U., 32 vjeç, banues në Tiranë.

Shërbimet e Policisë kanë lokalizuar në parkun e liqenit artificial të Tiranës, shtetasin e lartpërmendur, të cilit gjatë kontrollit fizik dhe të banesës, i gjetën dhe sekuestruan, në cilësinë e provës materiale, lëndë të dyshuar narkotike kanabis dhe psilocybin (kërpudha magjike).

/vizionplus.tv