.png){kind=spacer}
Një raport i ri i shkencëtarëve ka zbuluar se rrymat oqeanike mund të jenë tashmë drejt rrugës së kolapsit.
Në të dhënat e publikuara tregohet situata alarmante e rritjes së nivelit të detit dhe motin global, e cila ka sjellë rënien e temperaturave në mënyrë dramatike në disa rajone e rritje në të tjera.
Duke përdorur sisteme kompjuterike jashtëzakonisht komplekse dhe të shtrenjta, shkencëtarët gjetën një mënyrë të re për të zbuluar një sinjal paralajmërues të hershëm për kolapsin e këtyre rrymave.
Në studimin e botuar këtë të premte në revistën Science Advances, thuhet se planeti po ngrohet.
Qarkullimi Meridional i Përmbysjes së Atlantikut (AMOC), pjesë e të cilit është edhe Rryma e Gjirit, funksionon si një rrip transportues gjigant global, duke marrë ujë të ngrohtë nga tropikët drejt Atlantikut të Veriut të largët, ku uji ftohet, bëhet më i kripur dhe zhytet thellë në oqean, përpara se të përhapet në jug.
Rrymat bartin nxehtësi dhe lëndë ushqyese në zona të ndryshme të globit, njëkohësisht luajnë një rol jetësor në mbajtjen e klimës së butë në pjesët e mëdha të Hemisferës Veriore.
Për dekada, shkencëtarët kanë dhënë alarmin për stabilitetin e qarkullimit pasi ndryshimet klimatike ngrohin oqeanin dhe shkrin akullin, duke prishur ekuilibrin e nxehtësisë dhe kripës që përcakton fuqinë e rrymave.
Ndërsa shumë shkencëtarë besojnë se AMOC do të ngadalësohet nën ndryshimet klimatike dhe madje mund të ndalet, por mbetet ende një pasiguri e madhe se kur dhe sa shpejt mund të ndodhë kjo. CNN shkruan se AMOC është monitoruar vazhdimisht që nga viti 2004.
Top Channel
English (US) ·