Shirat e dendur në Brazil zbulojnë një skelet të dinosaurëve më të vjetër në botë

Shirat e rrëmbyeshëm në Brazil kanë gërryer pjesë të një zone fosile, duke zbuluar atë që shkencëtarët besojnë se mund të jetë skeleti më i vjetër i dinosaurëve.

Fosili i dinosaurit “pothuajse plotësisht i ruajtur”, i zbuluar pranë një rezervuari në shtetin më jugor të Brazilit, Rio Grande do Sul, mund të jetë rreth 233 milionë vjet i vjetër, thonë studiuesit.

Ata dyshojnë se krijesa ka jetuar gjatë periudhës Triasik, kur të gjitha kontinentet e Tokës ishin një masë e vetme tokësore e quajtur Pangaea dhe dinozaurët sapo ishin shfaqur.

I përket Herrerasaurus

Fosili i zbuluar besohet se i përket një anëtari të familjes së dinosaurëve mishngrënës Herrerasaurus që ishte rreth 2.5 metra i gjatë, raporton Independent. Këta dinosaurët kanë bredhur pjesë të mëdha të Brazilit dhe Argjentinës së sotme.

“Është një nga më të vjetrat në botë”, tha Rodrigo Müller nga Universiteti Federal i Santa Maria për agjencinë lokale të lajmeve Agência Brasil.

“Në fillim dukej sikur ishin disa kocka individuale, por ndërsa sollëm materialin në dritë, ne mundëm të shihnim se kishim një skelet pothuajse të plotë”, tha Dr. Muller për Associated Press.

Aktualisht, ekzemplari më i vjetër i dinosaurëve i njohur nga njeriu është një koleksion fosilesh nga specie të ndryshme që datojnë rreth 231 milionë vjet më parë. Ekzistojnë gjithashtu fosile më të diskutueshme që datojnë deri në 240 milion vjet.

Nëse gjetjet, të cilat ende nuk janë rishikuar nga kolegët, rezultojnë të vërteta, ato mund të hedhin më shumë dritë mbi origjinën e dinosaurëve, thonë shkencëtarët./vizionplus.tv