Silvinjo tregon sa kohë ju desh të përgatiste listën e futbollistëve: Mora vetëm ata që janë në formë

Surpriza, risi, rikthime dhe zhgënjime, kjo është përshtypja që të lë lista me emrat e futbollistëve të kombëtares shqiptare, të cilët janë grumbulluar për të qenë të gatshëm për kampionatin europian “Gjermani 2024”.

I poyetur nga gazetarët se sa kohë ju desh të përgatistye këtë listë, trajneri Silvinjo tha s eju desh më shumë se 3 muaj, duke theksuar se ka patur ndryshime disa herë.

“Më është dashur 3 muaj për të punuar me këtë listë. Ka ndryshuar shumë herë, patjetër. Ndërsa kjo listë, ishte e vendosur në tre ditët e fundit. Jemi mësuar me lojtarët e pa grumbulluar? E theksoj, nuk ka lidhje me fazën kualifikuese. Fazat finale të Euro 2024 janë diçka tjetër dhe nuk mund të bëjmë eksperimente. Ne tashmë duhet të bëjmë diçka më shumë në këtë kompeticion”, ka thënë Sylvinho.

Sa i përket mungesave të Uzunit, Cikalleshit, Bares, Sivlinjo theksoi se do të donte të kishte edhe Muçollin, por fatkeqësisht nuk ishte në 100% të formës fizike pasi ka qenë i dëmtuar, e njëjta gjë mund të thuhet dhe për të tjerët.