Sulmi me thikë në Gjermani, arrestohet një i dyshuar

Njësia speciale e policisë SEK ka arrestuar një të dyshuar të mundshëm për sulmin e mbrëmshëm me thikë në Solingen, i cili rezultoi me vdekjen e tre personave dhe plagosjen e tetë të tjerëve.

Sipas gazetës BILD, SEK arrestoi një burrë në orët e hershme të mëngjesit në banesën e prindërve të tij, pas një informacioni nga një dëshmitar që e njohu të dyshuarin nga një krim i mëparshëm. Megjithatë, ende nuk dihet nëse ky është me të vërtetë autori i sulmit të djeshëm.

Lexo edhe :

Related Posts

Në një postim në platformën X, kancelari Olaf Scholz tha se kishte kontaktuar me kryetarin e bashkisë së qytetit, Tim Kurtzbach, dhe tha se ishte “thellësisht i tronditur” nga sulmi.

“Ne jemi të pikëlluar për viktimat dhe ngushëllojmë të afërmit. I uroj të plagosurve një shërim të shpejtë. Autori duhet të kapet shpejt dhe të dënohet me masën e plotë të ligjit”, tha kancelari. /vizionplus.tv