Sulmi rus, Zelensky: Goditje masive, u përdorën 120 raketa dhe 90 dronë

Sulmi i fundit rus në Ukrainë ishte një goditje masive e kombinuar në të gjitha rajonet, sipas presidentit ukrainas, Volodymyr Zelensky.

Presidenti u shpreh se “terroristët” rusë kishin përdorur “rreth 120 raketa dhe 90 dronë”, shkruajnë mediet e huaja.

“Raketat  lundruese, balistike dhe aeroballistike përfshinin zirkon, Iskander dhe kamë. Objektivi i armikut ishte infrastruktura jonë energjetike në të gjithë Ukrainën. Për fat të keq ka dëmtime të objekteve nga goditjet dhe rënia e mbeturinave”, tha Zelensky.

Rusia ka kryer një nga sulmet më të mëdha të saj ajrore në Ukrainë. Dronët dhe raketat kanë shënjesturar infrastrukturën e energjisë dhe infrastrukturën civile në qytetet në mbarë vendin, duke detyruar Poloninë fqinje që të aktivizojë avionët luftarakë për të monitoruar situatën.