.png){kind=spacer}
Super Bowl-i i këtij viti u shikua nga mesatarisht nga 123.4 milionë njerëz në SHBA, duke e bërë atë transmetimin më të ndjekur që nga zbarkimi në Hënë në vitin 1969.
Vlerësimet paraprake televizive amerikane e vendosin lojën e së dielës menjëherë pas uljes historike të Apollo 11, e cila u pa nga rreth 125 deri në 150 milionë njerëz.
Kansas City Chiefs mundi San Francisco 49ers 25-22 në kohën shtesë. Pjesëmarrja e shumëpritur e Taylor Swift për të parë të dashurin Travis Kelce mund t’i ketë rritur shifrat. Pati shumë spekulime në prag të ngjarjes nëse Swift do të kthehej nga Japonia, ku ajo kishte performuar në turne.
Sipas Variety, ka disa debate se sa ajo ndikoi në numrin e audiencës, por firma kërkimore e konsumatorit Numerator doli në përfundimin nga një sondazh blic se 20% e shikuesve të Super Bowl ishin të interesuar për shkak të marrëdhënies së këngëtares me Kelcen. Kamerat sigurisht e kishin vëmendjen tek ajo, duke përfshirë pamjet e yllit duke hyrë në arenë e shoqëruar me aktoren Blake Lively dhe reperen Ice Spice dhe duke puthur Kelcen pas ndeshjes teksa festonin fitoren.
Sipas analistëve të medias Nielsen, një rekord prej 202.4 milionë njerëz ndoqën të paktën një pjesë të lojës. Ndeshja Super Bowl e vitit të kaluar mes Chiefs dhe Philadelphia Eagles u ndoq nga 115.1 milionë shikues.
Top Channel
English (US) ·