Vala e të nxehtit vijon të djegë Europën Jugore

Vala e të nxehtit vazhdon të djegë Evropën Jugore me zyrtarët shëndetësorë që paralajmërojnë njerëzit të qëndrojnë në shtëpi dhe të hidratuar.

Erërat nga Afrika e Veriut po rrisin temperaturat në Evropën Jugore, duke përfshirë Italinë dhe vendet e Ballkanit. Tetë qytete në Itali janë në paralajmërim pasi temperaturat pritet të mbi 39 gradë Celsius në disa pjesë të vendit.

Trembëdhjetë persona janë arrestuar pas përhapjes së një zjarri në pyll në ishullin grek të Hidrës, për të cilin autoritetet pretendojnë se nisi nga disa fishekzjarre të lëshuara nga një jaht. Zjarri nisi të përhapej në pyjet e ishullit të njohur turistik, i cili shtrihet në jug të Athinës.

Autoriteteve iu deshën orë të tëra për t’a vendosur nën kontroll. Duke qenë se nuk ka rrugë për në plazh, zjarrfikësit u detyruan të ndërhynin nga deti, ndërsa helikopterët hodhën ujë nga ajri. Shkaku i zjarrit ka shkaktuar zemërim në Greqi.

Greqia është në gatishmëri të lartë për zjarret që nga e marta dhe autoritetet po përgatiten për një verë të vështirë pasi kushtet e thata, erërat e forta dhe temperaturat e larta do të vazhdojnë. Në fillim të këtij viti, Greqia vendosi ligje më të ashpra për zjarrvënie të qëllimshme ku autorët përballen me 20 vjet burg dhe gjoba.

Ndërkaq, zjarret në Turqi i kanë marrë jetën 12 personave dhe kanë plagosur dhjetra të tjerë. Zjarret në Turqi nisën të përhapeshin në një zonë midis provincave Dijarbakir dhe Mardin. Të nxitur nga erërat, flakët kanë nisur të përhapen edhe në disa fshatra në Turqinë juglindore.

Banorët besojnë se zjarri u shkaktua nga shkëndija nga një linjë elektrike që vuri flakën të korrave. Ndërkohë, në të gjithë vendin në veriperëndim të Turqisë, zjarrfikësit po përpiqen të vënë nën kontroll një zjarr në afërsi të provincës Çanakkale.

Vala e të nxehtit ka prekur edhe Spanjën pas disa ditëve përmbytje. Në Andaluzi, temperaturat arritën në mbi 39 gradë Celsius. Spanja është vendi i fundit i prekur nga vala e të nxehtit që ka goditur Evropën Jugore.