VIDEO/Gafa e radhës e Joe Biden gjatë prezantimit të Kamala Harris: Jam krah presidentit të parë me ngjyrë…

Presidenti amerikan Joe Biden ishte ai, i cili prezantoi Kamala Harris gjatë një takimi të fondacionit të konventës së kongresmenëve afro-amerikanë (Congressional Black Caucus, CBC) në Washington ghatë fundjavës.

Por, gjatë prezantimit, president 81-vjeçar u ngatërrua duke iu referuar vetes si president, i cili shërben “krah presidentit të parë me ngjyrë…” pa mundur ta përfundojë fjalinë e tij në mënyrë të qartë.

Gjatë ceremonisë, presidentit iu akordua edhe një medalje, përpara se t’ia linte podiumin kandidates presidenciale Demokrate, Kamala Harris.

CBC është një grup kongresmenësh afro-amerikanë, i cili përbëhet kryesisht nga kongresmenë Demokratë, ndonëse vizioni i themeluesve të kësaj konvente ishte ai i një organizate që do t’i tejkalonte ndasitë politike.